JESTAUN ENFERMAJEN APLIKASAUN NO PRÁTIKA PROFISIONÁL

JESTAUN ENFERMAJEN APLIKASAUN NO PRÁTIKA PROFISIONÁL

Agradese ba Nai Santísima Trindade (Aman, Oan no Espíritu Santu) ne’ebé haraik bensaun no grasa wa’in ba hakerek na’in sira no konsege kompleta ona livru refere ho títulu “Jestaun Enfermajen: Aplikasaun Prátika Profisionál” ho di’ak. Livru ida-ne’e hakerek hodi responde ba ezijénsia públiku kona-ba kualidade atendimentu enfermajen iha ospitál sira iha teritóriu Timor-Leste tomak, ne’ebé sai hanesan fenómena mal atendimentu ida ne’ebé aas tebes husi profisionál saúde sira, no mós atu ajuda profesór ka dosente no estudante sira ne’ebé presiza matéria Jestaun Enfermajen nian. Livru ida-ne’e mós atu responde ba konseitu jestaun enfermajen no pasu konkretu hodi implementa ho meius ne’ebé konduzivu. Pasu konkretu ne’ebé forma estrutura sistema modelu kuidadu enfermajen profisionál (MKEP), hahú hosi pesoál saúde no pasiente sira, estabelese sistema MKEP, hodi hadi’a dokumentasaun enfermajen liu-hosi aplikasaun bazeia-ba padraun profisionál hodi bele implementa ho efisiente no efetivu. Preparasaun ba livru ida-ne’e kompostu husi kapítulu sanulu-resin-tolu (13), ne’ebé mak sai hanesan pasu dahuluk ho objetivu atu mellora kualidade atendimentu enfermajen iha teritóriu Timor-Leste.

Hakerek na’in mós hakarak agradese ba parte oin-oin ne’ebé ajuda ona iha prosesu hakerek to’o halo publikasaun iha Tata Mutiara Hidup Indonesia. Agradese mós ba ekipa hakerek na’in sira hotu husi Escola Superior de Enfermagem Faculdade de Medicina e Ciências da Saúde Universidade Nacional Timor Lorosa’e finaliza tanba servisu makas to’o remata ho di’ak tebes. Tanba ne’e hakarak hato’o agradesimentu ba ekipa hotu-hotu ne’ebé kontribui ona sira-nia ideias konstrutivu.

Ba leitór sira hotu, liuliu profisionál saúde sira espesialmente enfermeiru jerál no espesialista nomós komunidade  akadémika (Dosentes no Estudantes) ne’ebé iha interese atu lee livru ida-ne’e, ami hato’o obrigado wa’in. Livru ida-ne’e la livre hosi erru no falta sira tanba autór sira-nia limitasaun iha dalan oi-oin. Karik iha fontes referénsia ne’ebé ami seidauk enkaisa iha livru ida ne’e, laiha intensaun plagiarismu maibé tanba ne’e neglijensia puru husi parte hakerek nain sira, ho razaun ida-ne’e ami husu perdaun mai hakerek nain. Hakerek nain ho esperansa katak livru ida-ne’e sei fó benefísiu barak ba leitór sira hotu no kakerek nain sira konsiente katak livru ida-ne’e mós seidauk atinje perfeitamente. Tanba ne’e hakerek nain nakloke ba sujestaun no rekomendasaun ho karakter konstrutivu husi leitór sira hotu hodi hadia livru ida-ne’e iha futuru.

ISBN :

First Print, October 2024

1 Jil., 392   hlm., 21 x 29 cm 

Rp. 200.000.,-