BIOESTATÍSTIKA BÁZIKU

Ba dahuluk ami hakarak hanai hahí ba AMAN Maromak no Nia Nu’udar Matenek Na’in ne’ebé fó ona oportunidade ba eskritór ho inspirasaun atu elabora livru ba ensinu didáktiku no aprendizajen ida-ne’e. Ho dezafiu no obstákulu oioin durante ida-ne’e ne’ebé estudante no dosente iha Ensinu Superior enfrenta kona-ba materia ka unidade kurrikular “BIOESTATÍSTIKA BÁZIKU ” ho inspirasaun eskritór ka hakerek-na’in hanoin atu oinsá atu elabora materia ida-ne’e. Difikuldade atu hetan livru Bio-estatístika ba estudante sira iha Universidade ka Instituisaun Superior ruma sai nu’udar fatór ba dezenvolvimentu ensinu no aprendizajen. Aspetu ida-ne’e ita bele haree loron loron iha Instituisaun Superior iha Timor-Leste laran tomak, liu liu ba iha área sáúde nian. Ida-ne’ebé tanba falta referénsia iha biblioteka ne’ebé bele ajuda no fasilita estudante iha prosesu aprendizajen. Fatór barreira seluk maka lian sai nu’udar obstákulu iha prosesu aprendizajen no ensinu. Tanba pratikamente livru no referénsia sira hotu hakerek iha lian estranjeiru ne’ebé difikulta sira hotu ne’ebé hakarak atu hatene kona-ba estatístika. Atu publika livru ida-ne’e iha lian tetun la’ós asuntu fasil, maibé ho limitasaun no difikuldade oioin liu liu iha referénsia eskritór nia hanoin, di’ak liu ita hahú buat ruma duké lae. Parte lubun boot husi fonte ba livru ida-ne’e eskritór hasai husi referénsia ka fonte barak no ho Tabela, gráfiku, fórmula no ezersísiu no mós dadus ne’ebé eskritór tau hamutuk hodi fasilita aprendizajen no ensinu utilizadór sira. Livru ne’e fahe iha tópiku ka kapítulu tuir kontestu nesesidade no relevánsia ba sira-ne’ebé hala’o sira-nia estudus no peskiza, liu liu ba estudante sira iha área saúde nian hanesan Médikus, Enfermeirus, Parteira, Tékniku Diagnóstiku no Terapeútiku no Saúde Públika. Ha’u hakarak atu hato’o ha’u-nia rekoñesimentu ba eskritór ne’ebé elabora ona livru ne’e masku iha limitasun oioin.

ISBN:

First Printing,           June 2023

1 Vol., 340 p., 14 x 21 cm

Price Rp. 200.000.,-