ENFERMAGEM COMUNITÁRIA: Teoria no Pratika

ENFERMAGEM COMUNITÁRIA: Teoria no Pratika

Ho grasa wain Maromak nian bele atan hau bele finaliza livru ida ne’e ho titlu“Kuidadus Enfermagem saúde Komunitária: Teoria no Pratika” nune bele fasilita prosesu ensino no guia ema nebe interese hodi aumenta ninia konesementu iha area saúde komunitária. Livru ida neé, sintesa husi livru oin-oin sira nomos website offisial sira. Modulu neé bele utiliza husi aluno, manori nain nomos ema seluk nebe interese

 Timor Leste hanesan nasaun ida nebe sei menus tebes referensia hodi fasilita prosesu ensino nune’e motiva hakerek nain iha interese hodi desenvolve livru  ne’e hodi fasilita estudante sira iha prosesu ensinu.. Hanesan ita hotu hatene katak programa pakote basika foku ba promosaun saúde, saúde inan-oan, familia planeada, nutrisaun, ambiental, imunizasaun, moras hadaet nomos moras la hadaet sira. Programa hirak ne’e sai hanesan programa nebe mak hakbesik liu komunidade iha area rural nomos urbana. Programa saúde komunitária hanesan esforsu hodi desenvolve programa nebe integradu hodi resolve problema saúde publika liu husi detesaun lalais ho aprosimasaun promosaun saúde no prevensaun, laos kurativo no rehabilitativo. Laos ida ne’e deit, maibe menus konsiensia husi pesoal saúde sira nian konaba kuidadus enfermagem komunitária mos bele kontribui ba desenvolvimentu saúde iha parte prevensaun no promosaun saúde nian, nune referensia ne’e bele tulun ba le’e nain sira konaba prosedur kuidadu enfermagem komunitária nebe simples no fasil.

Livru ida ne’e foku ba skill hodi halao kuidadus Enfermagem ba komunitária baseia teoria ou modelu nebe iha relasaun ho enfermagem saúde komunitária baseia investigasaun no apresentasaun dados komunitária, analisa dados, formulasaun problema enfermagem komuniária, plan of action (POA), implementasaun no avaliasaun ba atividade nebe halao tiha ona. Livru ne’e foku ba oinsa atividade enfermagem saúde komunitaria bele atinji nia metas presisa community empowerment, organizasaun nebe forte, parseria, networking, atividade promosaun saúde no partisipasaun ativo komunidade sira nian.

Iha biban ida neé hatoo mos, agradese wain ba kolegas sira nebe fo ona kontribuisaun ba prosesu desenvolvimentu livru ida ne’e. Livru ida neé hanesan parte ida husi disciplina Saúde Comunitaria hodi fasilita prosesu hanorin atinji kompetensia akademiku nebe mensiona iha curiculo ensino superior Ami presisa tebes opinion husi komponentes hotu-hotu no ami sempre  nakloke an hodi simu sujestaun nebe konstruktivo hodi hadia diak liu tan iha futuru.

ISBN:

First Printing,           September   2024

1 Vol., 95  p., 21 X 29 cm

Rp. 90.000