Kuidadus Enfermagem saúde Familia: Teoria No Aplikasaun Pratika Baseia Estudu Kasu

Kuidadus Enfermagem saúde Familia: Teoria No Aplikasaun Pratika Baseia Estudu Kasu

Ho grasa wain Maromak nian bele atan hau bele finaliza livru ida ne’e ho titlu“Kuidadus Enfermagem Saúde Familia: Teoria No Aplikasaun Pratika Baseia Estudu Kasu” nune bele fasilita prosesu ensino no guia ema nebe interese hodi aumenta ninia konesementu iha area kuidadu saúde familia. Livru ida neé, sintesa husi livru oin-oin sira nomos website offisial sira. Modulu neé bele utiliza husi aluno, manori nain nomos ema seluk nebe interese

 Timor Leste hanesan nasaun ida nebe sei menus tebes referensia hodi fasilita prosesu ensino nune’e motiva hakerek nain iha interese hodi desenvolve livru  ne’e hodi fasilita estudante sira iha prosesu ensinu. Hanesan ita hotu hatene katak programa pakote basika foku ba promosaun saúde, saúde inan-oan, familia planeada, nutrisaun, ambiental, imunizasaun, moras hadaet nomos moras la hadaet sira. Programa hirak ne’e sai hanesan programa nebe mak hakbesik liu komunidade iha area rural nomos urbana. Programa saúde komunitária hanesan esforsu hodi desenvolve programa nebe integradu hodi resolve problema saúde publika liu husi detesaun lalais ho aprosimasaun promosaun saúde no prevensaun, laos kurativo no rehabilitativo. Laos ida ne’e deit, maibe menus konsiensia husi pesoal saúde sira nian konaba kuidadus enfermagem saúde familia mos bele kontribui ba desenvolvimentu saúde iha parte prevensaun no promosaun saúde nian, nune referensia ne’e bele tulun ba le’e nain sira konaba prosedur kuidadu enfermagem saúde nebe simples no fasil.

Livru ida ne’e foku ba skill hodi halao kuidadus Enfermagem ba saúde familia baseia teoria nebe iha relasaun ho enfermagem saúde familia baseia prosesu hanesan investigasaun no apresentasaun dados familia, analisa dados, formulasaun problema enfermagem kontagem tipologia, plan of action (POA), implementasaun no avaliasaun ba atividade nebe halao tiha ona. Livru ne’e foku ba oinsa atividade enfermagem komunitaria bele atinji nia metas presisa community empowerment, organizasaun nebe forte, parseria, networking, atividade promosaun saúde no partisipasaun ativo komunidade sira nian.

Iha biban ida neé hatoo mos, agradese wain ba kolegas sira nebe fo ona kontribuisaun ba prosesu desenvolvimentu livru ida ne’e. Livru ida neé hanesan parte ida husi disciplina Saúde Comunitaria hodi fasilita prosesu hanorin atinji kompetensia akademiku nebe mensiona iha curiculo ensino superior Ami presisa tebes opinion husi komponentes hotu-hotu no ami sempre  nakloke an hodi simu sujestaun nebe konstruktivo hodi hadia diak liu tan iha futuru.

ISBN:

First Printing,           September   2024

1 Vol., 121  p., 21 X 27  cm

Rp. 120.000