KUIDADUS ENFERMAGEM HO APROSIMASAUN IDOSO NO COMUNITÁRIA

Ho grasa wain Maromak nian bele atan hau bele finaliza modulu ho topiku “kuidadus enfermagem ho aprosimasaun idoso no komunitária” nune bele fasilita prosesu ensino ba estudante Escola Superior de Enfermagem iha semestre dala ne’en nian. Modulu ida neé, sintesa husi livro sira nomos website offisial sira. Hanesan ita hotu hatene katak programa pakote basika foku ba promosaun saúde, saúde inan-oan, Familia planeada, Nutrisaun, ambiental, imunizasaun, moras hadaet nomos moras la hadaet sira. Programa hirak ne’e sai hanesan programa nebe mak hakbesik liu komunidade iha area rural nomos urbana. Programa saúde komunitária hanesan esforsu hodi desenvolve programa nebe integradu hodi resolve problema saúde publika liu husi detesaun lalais ho aprosimasaun promosaun saúde no prevensaun, laos kurativo no rehabilitativo. Laos ida ne’e deit, maibe menus konsiensia husi enfermeiro/a sira nian konaba kuidadus enfermagem komunitária mos bele kontribui ba desenvolvimentu saúde iha parte prevensaun no promosaun saúde nian, nune referensia bele tulun ba le’e nain sira konaba teknika kuidadu enfermagem komunitária nebe simples no fasil.

Modulu ida ne’e foku ba skill hodi halao kuidadus Enfermagem ba komunitária baseia teoria ou modelu nebe iha relasaun ho enfermagem komunitária baseia investigasaun no apresentasaun dados komunitária, analisa dados, formulasaun problema enfermagem komuniária, plan of action (POA), implementasaun no avaliasaun ba atividade nebe halao tiha ona ho aprosimasaun ba saúde idoso no komunitária. Modulu ne’e foku ba oinsa atividade enfermagem komunitaria bele atinji nia metas presisa community empowerment, organizasaun nebe forte, parseiria, networking, atividade promosaun saúde no partisipasaun ativo komunidade sira nian.

Iha biban ida neé hatoo mos, agradese wain ba kolega mestre sira iha Escola Superior de Enfermagem  nebe kontribui ba prosesu desenvolvimentu modulu ne’e.  Modulu ida neé hanesan parte ida husi disciplina Saúde Comunitaria hodi fasilita prosesu hanorin atinji kompetensia akademiku nebe mensiona iha curiculo Escola superior de Enfermagem.  Ami presisa tebes opinion husi komponentes hotu-hotu no ami sempre  nakloke an hodi simu sujestaun nebe konstruktivo hodi hadia diak liu tan iha futuru.

ISBN:

First Printing,           August  2023

1 Vol., 124 p., 21 x 29 cm

Harga: 100.000.,-